विद्या बालनला जडले होते व्यसन ...

शंकर मराठे - मुंबई, १३ फेब्रुवारी २०२६  : बॉलीवूडमधील कलाकार आपल्या भूमिकेला योग्य न्याय देण्यासाठी आणि त्यामध्ये जिवंतपणा आणण्यासाठी कोणत्याही थरापर्यंत जायला तयार असतात. याचेच उत्तम उदाहरण म्हणजे अभिनेत्री विद्या बालन. आपल्या दमदार अभिनयाने प्रेक्षकांच्या मनावर राज्य करणाऱ्या विद्याने 'द डर्टी पिक्चर' या चित्रपटासाठी प्रचंड मेहनत घेतली होती. या चित्रपटात तिने दाक्षिणात्य अभिनेत्री सिल्क स्मिता यांची भूमिका साकारली होती. ही भूमिका पडद्यावर हुबेहूब वटवण्यासाठी विद्याने केवळ आपल्या लूकवरच काम केले नाही, तर अशा काही गोष्टी अंगीकारल्या ज्या तिच्या वैयक्तिक आयुष्यासाठी आव्हानात्मक ठरल्या. विशेष म्हणजे, या भूमिकेसाठी विद्या बालनला सिगारेट ओढण्याचे व्यसन जडले होते, जे चित्रपट संपल्यानंतरही बराच काळ तिला सोडता आले नाही.