अनंत अंबानी यांच्या वाढदिवसानिमित्त शिर्डी साईबाबा संस्थानला देणगी

शंकर मराठे - मुंबई, १० एप्रिल २०२६ :  उद्योगपती अनंत अंबानी यांच्या वाढदिवसानिमित्त रिलायन्स इंडस्ट्रीजच्या वतीने शिर्डी येथील श्री साईबाबा संस्थानच्या प्रसादालयाला ५ लाख रुपयांची देणगी देण्यात आली आहे. अंबानी कुटुंबाची साईबाबांवर मोठी श्रद्धा असून, वाढदिवसाचे औचित्य साधून सामाजिक बांधिलकी जपण्यासाठी हा उपक्रम राबवण्यात आला. आशियातील सर्वात मोठ्या असलेल्या या प्रसादालयात दररोज सुमारे ५० हजार भाविकांना मोफत भोजन दिले जाते. ही देणगी प्रसादालयातील अन्नदान योजनेसाठी वापरली जाणार असून, यामुळे भाविकांसह रुग्णालय आणि अनाथाश्रमातील भोजन व्यवस्थेला मोठा हातभार लागणार आहे. रिलायन्स फाउंडेशनने यापूर्वीही शिर्डी संस्थानाला विविध प्रकल्पांसाठी मोलाची मदत केली आहे.