शंकर मराठे - मुंबई, २९ सप्टेंबर २०२६ : बापाच्या निधनानंतर तब्बल १ कोटी रुपयांच्या मोहापायी नात्यांचे रंग कसे बदलतात आणि त्यातून कोणती धमाल उडते, याचा उत्तम नमुना म्हणजे आगामी अफरातफरी हा चित्रपट. जेव्हा ही १ कोटींची माया ३ सख्ख्या भावांच्या आयुष्याचा मुख्य केंद्रबिंदू बनते, तेव्हा घरात एकच गोंधळ उडणार, हे नक्कीच! याच उडणाऱ्या भन्नाट गोंधळाला अतिशय रंगतदार वळण देणारा, अफरातफरी या चित्रपटाचा जबरदस्त ट्रेलर नुकताच प्रेक्षकांच्या भेटीला आला आहे. १ कोटी रुपये या भावांना खरंच मिळणार की नाही ? आणि या भल्यामोठ्या रकमेसाठी हे ३ भाऊ एकमेकांविरुद्ध कोणकोणत्या रंजक खेळ्या खेळणार, याची प्रचंड उत्सुकता या ट्रेलरने निर्माण केली आहे. या धमाकेदार ट्रेलरमध्ये शशांक शेंडे, संजय नार्वेकर, ओंकार भोजने, मोहन आगाशे, नेहा खान, प्राजक्ता हनमघर, आसावरी जोशी, हेमंत पाटील, किरण माने आणि कुणाल मेश्राम या दिग्गज आणि कसलेल्या कलाकारांची तगडी फौज प्रेक्षकांना येत्या ९ ऑक्टोबर रोजी चित्रपटगृहात मिळणार आहेत.
No comments:
Post a Comment