शंकर मराठे - मुंबई, १० जानेवारी २०२६ : झी मराठीवर १९ जानेवारी २०२६ पासून दररोज संध्याकाळी ७ वाजता सुरू होणाऱ्या 'शुभ श्रावणी' या मालिकेचा प्रोमो प्रदर्शित झाल्यापासून प्रेक्षकांमध्ये कमालीची उत्सुकता आहे. मात्र, अभिनेत्री वल्लरी विराजने नुकताच खुलासा केला आहे की, या मालिकेच्या प्रोमो आणि सुरुवातीच्या भागांच्या शूटिंग दरम्यान तिचा अपघात झाला. या अपघातात तिच्या खांद्याला आणि हाताला गंभीर दुखापत झाली असून तिला फ्रॅक्चर बँडेज बांधावे लागले आहे. ह्याबद्दल वल्लरीने सांगितले की, मालिकेचे शूटिंग कोल्हापूरमध्ये सुरू होते. एका सीनच्या वेळी तिचा अपघात झाला, ज्यामध्ये तिच्या खांद्याला मार लागला.
No comments:
Post a Comment