शंकर मराठे - मुंबई, २५ जानेवारी २०२६ : झी मराठी वाहिनीवरील लोकप्रिय मालिका 'देवमाणूस - मधला अध्याय'' सध्या एका अत्यंत उत्कंठावर्धक आणि थरारक वळणावर येऊन पोहोचली आहे. नुकत्याच समोर आलेल्या प्रोमोमध्ये आणि भागाच्या अपडेटनुसार, इन्स्पेक्टर जामकर यांची बहीण आर्या, हिचा मृतदेह चक्क फ्रीजमध्ये सापडल्याने खळबळ उडाली आहे.
मालिकेचे कथानक सध्या गुन्हेगारी विश्वातील क्रूरतेच्या परिसीमा ओलांडताना दिसत आहे. वाड्यामध्ये घडणाऱ्या गूढ हालचाली आणि गोपाळ व लावणीचे कारस्थान यामुळे प्रेक्षक आधीच संभ्रमात होते. त्यातच आता आर्याच्या हत्येचा हा धक्कादायक प्रकार समोर आला आहे. मिळालेल्या माहितीनुसार, वाड्यातील फ्रीज उघडला असता, त्यातून आर्याचा निस्तेज देह बाहेर पडतो. हे दृश्य पाहून उपस्थित असलेल्यांच्या पायाखालची जमीनच सरकली आहे. हा मृतदेह तिथे कोणी आणि कधी लपवला, याचा त्यांना काडीमात्र सुगावा नाही.
No comments:
Post a Comment