शंकर मराठे - मुंबई, २४ जुलै २०२६: एडब्ल्यूएल ॲग्री बिझनेस लिमिटेडने, आपला प्रमुख ब्रँड फॉर्च्यून च्या माध्यमातून वार्षिक रथयात्रा उत्सवासाठी पुरीमध्ये पुनरागमन केले. संस्कृती, पारंपरिक पाककला, नावीन्य आणि अर्थपूर्ण ग्राहक सहभाग यांना एकत्र आणून, या ब्रँडने भारतातील सर्वात मोठ्या उत्सवांपैकी एक असलेल्या या सोहळ्यादरम्यान भाविक आणि पाहुण्यांना एक अविस्मरणीय अनुभव देण्याची तयारी केली. एक समग्र ब्रँड इकोसिस्टम म्हणून डिझाइन केलेल्या या कार्यक्रमात मिक्स्ड रिॲलिटी (एमआर) आणि व्हर्च्युअल रिॲलिटी (व्हीआर) अनुभव, एआय-सक्षम फोटो बूथ, पाककलेचे प्रात्यक्षिक, उपयुक्तता-आधारित उपक्रम आणि फॉर्च्युन खाद्यतेलाचे जार तसेच पीईटी बाटल्यांसारख्या पॅकेजिंगचा वापर करून बनवलेली रथाची एक प्रतिकात्मक मांडणी यांचा समावेश होता. या संपूर्ण सोहळ्यादरम्यान, फॉर्च्युन सनफ्लॉवर ऑइल केंद्रस्थानी होते; ग्राहकांशी जोडल्या जाणाऱ्या प्रत्येक माध्यमातून, विविध खाद्यपदार्थांमधून आणि कार्यक्रमांमधून ते प्रामुख्याने लोकांपर्यंत पोहोचवले गेले.
मुकेश मिश्रा, विक्री आणि विपणन विभागाचे संयुक्त अध्यक्ष, एडब्ल्यूएल ॲग्री बिझनेस लिमिटेड म्हणाले,"विविध समाजानं एकत्र आणणाऱ्या परंपरा, खाद्यसंस्कृती आणि सांस्कृतिक क्षण साजरे केल्यानेच ग्राहकांशी अत्यंत अर्थपूर्ण नाते निर्माण होते, यावर आमचा विश्वास आहे. लाखो भाविकांसाठी रथयात्रेला अनन्यसाधारण महत्त्व आहे आणि फॉर्च्युनच्या माध्यमातून या भव्य उत्सवाचा पुन्हा एकदा भाग होता आल्याचा आम्हाला अभिमान वाटतो. यावर्षी आम्ही एक सर्वसमावेशक अनुभव तयार केला, ज्यामध्ये अन्न, तंत्रज्ञान, संस्कृती आणि भाविकांसाठी उपयुक्त सेवा यांचा मेळ घातला गेला. संस्कृतीशी एकरूप करणारा हा अनुभव देऊन, आम्ही असे अविस्मरणीय क्षण निर्माण करण्याचा प्रयत्न केला जे या उत्सवाचा उत्साह दर्शवतात आणि त्याचबरोबर भारतातील घराघरांमध्ये फॉर्च्युनचे विशेष स्थान अधिक दृढ करतात."
लाइव्ह किचनच्या माध्यमातून ओडिशामधील खाद्यपदार्थांची चव प्रत्यक्ष अनुभवता आली. फॉर्च्युनची उत्पादने वापरून आणि फॉर्च्युन सनफ्लॉवर आणि फॉर्च्युन राईस ब्रॅन ऑईलच्या साहाय्याने तयार केलेले काकरा पिठा व सोयाबीन चॉप्स यासारखे पारंपरिक ओडिया पदार्थ पाहुण्यांना खायला मिळाले. महिला प्रेक्षकांना या लाइव्ह किचन उपक्रमात सहभागी होण्याचे निमंत्रण देण्यात आले, ज्यामुळे त्यांना उत्पादनांचा प्रत्यक्ष अनुभव घेता आला आणि फॉर्च्युनच्या उत्पादनांची गुणवत्ता तसेच कार्यक्षमता यावरील विश्वास अधिक दृढ झाला.
रथयात्रेच्या आठवणी कायमस्वरूपी जपण्यासाठी फॉर्च्युनने पुरी बीचवर एआय (AI) तंत्रज्ञानावर आधारित फोटो बूथ सुविधाही उपलब्ध करून दिली. या इंटरॅक्टिव्ह झोनमध्ये पाहुण्यांना ओडिशाच्या वैशिष्ट्यपूर्ण पार्श्वभूमीवर स्वतःचे फोटो काढता आले; यामुळे महोत्सवातील अनोख्या आठवणी आणि इतरांसोबत शेअर करण्याजोग्या डिजिटल आठवणी तयार झाल्या.
No comments:
Post a Comment