शंकर मराठे - मुंबई, १३ ऑक्टोबर, २०२६ : गोस्वामी तुलसीदास यांनी रचलेली कालजयी कृती श्री रामचरितमानस आता ५२ तासांच्या भव्य संगीतमय सादरीकरणातून रसिकांसमोर येणार आहे. प्रसिद्ध बॉलिवूड गायिका मधुश्री यांच्या सुरेल आवाजात आणि संगीतकार रॉबी बादल यांच्या संगीताने सजलेल्या या महत्त्वाकांक्षी प्रकल्पाचा टीझर मुंबईत एका कार्यक्रमात लाँच करण्यात आला. ही संगीतमय निर्मिती साकारण्यासाठी दोन्ही कलाकारांनी जवळपास दोन वर्षे समर्पित केली. हा टीझर रॉयंट म्युझिक (Royant Music) या म्युझिक लेबलअंतर्गत प्रदर्शित करण्यात आला आहे.
टीझर लाँच सोहळ्याला आध्यात्मिक गुरू ओमा द अक्क, निर्माता-दिग्दर्शक आणि अभिनेते करण राझदान, अभिनेता गगन मलिक, वास्तुतज्ज्ञ डॉ. खोजा, अभिनेत्री कंपल पटेल, पराग चापेकर आणि महिमा भारद्वाज यांच्यासह अनेक मान्यवर उपस्थित होते. भारतीय आध्यात्मिक परंपरा आणि संगीत यांचा सुंदर संगम घडवणारा हा महत्त्वपूर्ण उपक्रम असल्याचे मत उपस्थितांनी व्यक्त केले.
No comments:
Post a Comment